Саха (Якутская) республиканская организация Общероссийского профсоюза работников культуры
2022 ГОД — ГОД ИНФОРМАЦИОННОЙ ПОЛИТИКИ И ЦИФРОВИЗАЦИИ РАБОТЫ ПРОФСОЮЗОВ
2022 ГОД — ГОД ИНФОРМАЦИОННОЙ ПОЛИТИКИ И ЦИФРОВИЗАЦИИ РАБОТЫ ПРОФСОЮЗОВ
Саха (Якутская) республиканская организация Общероссийского профсоюза работников культуры
677000, Республика Саха (Якутия), г. Якутск, ул. Курашова, д. 24, каб.202
8 (4112) 219-313

Үлэһит көмүскэллээҕэ тэрилтэҕэ улахан оруоллаах © sakha-sire.ru сайтан: https://sakha-sire.ru/ylehit-kemyskelleege-teriltege-ulahan-oruollaah/

16 ноября 2022

ИСТОЧНИК: https://sakha-sire.ru/ylehit-kemyskelleege-teriltege-ulahan-oruollaah/

Култуура үлэһиттэрин  Анастасия Самсонова бэрэссэдээтэллээх идэлээх сойууһа сыл аайы  араас хабааннаах спартакиадалары, ыһыахтары, күрэcтэри, быыстапкалары тэрийэн ыытар. Биһиги тэрилтэбитигэр —  И.С.Жараев аатынан аудиовизуальнай нэһилиэстибэ национальнай киинигэр  25 үлэһиттээхпит (дириэктэр Степан Москвитин).  Бары  идэлээх сойууспут  кэккэтигэр киирбиппит (бэрэссэдээтэл М.В.Эверстова). Санаторийга, куруорка сынньаммыттарга, ыарахан сыаналаах эминэн туһаммыттарга анал төлөбүрдэри сыл ахсын кыраапык быһыытынан биэрэбит. Быйыл барыбытын долгуппут быстах хомуурга икки үлэһиппит ыҥырыы тутта. Кинилэргэ тустаах көмөнү оҥордубут. Үп-харчы эрэ буолбакка,  өй-санаа өттүнэн кинилэри кытта бииргэбит. Өрөспүүбүлүкэтээҕи  сүрүннүүр киин иһинэн волонтердаан,  ыстаапка уонна иистэнэр сыахтарга бары кыттыстыбыт. Анал аахсыйаҕа көмөлөстүбүт. Ыччаты патриотическай иитиигэ оскуолалары кытта үлэлиибит, тэрилтэбит үлэтин көрдөрөбүт, кэпсиибит. Ыччаттарбыт бу күннэргэ Марфа уонна Сергей Расторгуевтар ааттарынан цииркэҕэ сылдьан сынньанан, бэйэлэрин саастаахтарын кытары  билсэн кэлбиттэрэ. Ураты, бэлиэ тэрээһининэн  “Ийэм сылаас илиитинэн” быыстапка СМАРТ бибилэтиэкэҕэ буолла. Хас биирдии ийэ оҥорбута-туппута тупсаҕай көстүүлээҕин сэргэ, чугас дьоммутугар тапталынан илгийэр. Кэлэктииппитигэр, ханна да буоларын курдук,  кэрэ аҥаардар элбэхпит. Бары сынньалаҥ кэммитин туһалаахтык атааран, ким тугу сатыырынан дьарыктанабыт. Быыстапкаҕа  тэрилтэбит аатын А.В.Петрова, Н.Н.Андреева  көмүскээтилэр. Тупсаҕай оҥоһуктар тута көрөөччү сэҥээриитин ыллылар. Билигин бу быыстапка бэйэбит дьоммутугар-сэргэбитигэр көрдөрүллэр.
Марина ВИНОКУРОВА

© sakha-sire.ru сайтан: https://sakha-sire.ru/ylehit-kemyskelleege-teriltege-ulahan-oruollaah/
© sakha-sire.ru сайтан: https://sakha-sire.ru/ylehit-kemyskelleege-teriltege-ulahan-oruollaah/